Cofnodion cryno - Y Pwyllgor Cydraddoldeb a Chyfiawnder Cymdeithasol

Lleoliad:

Fideogynhadledd drwy Zoom

Dyddiad: Dydd Mercher, 20 Hydref 2021

Amser: 09.02 - 10.31
Gellir gwylio’r cyfarfod ar Senedd TV yn:
http://senedd.tv/cy/12565

Yn bresennol

 

<AI1>

1       Cyflwyniad, ymddiheuriadau, dirprwyon a datgan buddiannau

1.1 Croesawodd y Cadeirydd yr Aelodau i gyfarfod y Pwyllgor Cydraddoldeb a Chyfiawnder Cymdeithasol.

1.2 Dywedodd y Cadeirydd fod y Pwyllgor wedi cytuno, pe bai hi'n gadael y cyfarfod am unrhyw reswm, y byddai Sarah Murphy AS yn Gadeirydd Dros Dro yn unol â Rheol Sefydlog 17.22.

1.3 Ni chafwyd unrhyw ymddiheuriadau. Datganodd Sioned Williams fuddiant yn eitem 4 gan ei bod yn aelod o undeb credyd.

</AI1>

<AI2>

2       Dyled a'r pandemig – sesiwn graffu gyda'r Gweinidog Cyfiawnder Cymdeithasol

2.1 Cafodd yr Aelodau dystiolaeth gan y Gweinidog Cyfiawnder Cymdeithasol 

2.2 Yn ystod y sesiwn, cytunodd y Gweinidog i wneud y canlynol:

• Darparu ystadegau’n ymwneud â nifer yr achosion lle'r oedd dibyniaeth yn ffactor sylfaenol mewn dyled.
• Darparu rhagor o wybodaeth am gynaliadwyedd prosiectau cyngor ynni a’r cymorth a roddir iddynt.
• Darparu gwybodaeth am strategaeth sy'n dwyn y rhesymau dros ddyledion a thlodi ynghyd, yn enwedig mewn perthynas â'r cynnydd mewn yswiriant gwladol, toriadau mewn credyd cynhwysol a thlodi tanwydd.
• Darparu rhagor o wybodaeth am rôl yr uned data cydraddoldeb. 
• Darparu rhagor o wybodaeth ar y modd y mae Llywodraeth Cymru yn cynorthwyo'r rhai mewn gwaith sy'n cael eu gwthio i ddyled, ond nad ydynt yn gymwys i gael cymorth gan y llywodraeth.
• Anfon gwybodaeth am farn Llywodraeth Cymru am goelcerthi dyled.
• Cadarnhau a ddylid ymestyn y cyfnod o rybudd, sef chwe mis ar hyn o bryd, tan ddaw Deddf Rhentu Cartrefi 2016 i rym a pha asesiad sydd wedi’i wneud o’r hyn a all ddigwydd os oes bwlch cyn y daw’r Ddeddf i rym.
• Darparu rhagor o wybodaeth am yr hyn y mae’r Llywodraeth yn ei wneud i gynorthwyo dioddefwyr cam-drin domestig sydd â phroblem dyled. 

</AI2>

<AI3>

3       Papurau i’w nodi

</AI3>

<AI4>

3.1   Gohebiaeth gan Gomisiynydd Cenedlaethau'r Dyfodol ynghylch canfyddiadau o ran cydraddoldeb a chyfiawnder cymdeithasol – 5 Hydref 2021

3.1a Nododd yr Aelodau yr ohebiaeth.

</AI4>

<AI5>

3.2   Gohebiaeth gan y Gweinidog Cyfiawnder Cymdeithasol i Gomisiynydd Cenedlaethau'r Dyfodol yn ymateb i Adroddiad Cenedlaethau'r Dyfodol 2020 – 8 Hydref 2021

3.2a Nododd yr Aelodau yr ohebiaeth.

</AI5>

<AI6>

3.3   Gohebiaeth gan Ffederasiwn Busnesau Bach Cymru ynghylch ymchwiliad y Pwyllgor i ddyled a phandemig - 13 Hydref 2021

3.3a Nododd yr Aelodau yr ohebiaeth.

</AI6>

<AI7>

4       Cynnig o dan Reol Sefydlog 17.42(ix) i wahardd y cyhoedd o weddill y cyfarfod

4.1 Derbyniwyd y cynnig.

</AI7>

<AI8>

5       Ystyried tystiolaeth – sesiwn graffu gyda'r Gweinidog Cyfiawnder Cymdeithasol

5.1 Trafododd yr Aelodau y dystiolaeth a gafwyd o dan eitem 2. 

</AI8>

<AI9>

6       Y Cynllun Preswylio’n Sefydlog i Ddinasyddion yr UE

6.1 Ymddiheurodd y Cadeirydd a chadeirodd Sarah Murphy AS weddill y cyfarfod.

6.2 Cytunodd y Pwyllgor i gyhoeddi’r adroddiad monitro hwn, ac unrhyw adroddiadau tebyg yn y dyfodol, i ddangos sut mae’r Pwyllgor yn monitro’r mater. 

6.3 Cytunodd y Pwyllgor i rannu’r adroddiad a gyhoeddwyd â’r Awdurdod Monitro Annibynnol.

6.4 Cytunodd y Pwyllgor i ofyn am asesiad diweddaraf Llywodraeth Cymru o Statws Preswylwyr Sefydlog i Ddinasyddion yr UE yng Nghymru, yn enwedig o ran sut y bydd, yn y dyfodol, yn cynorthwyo’r rhai sy’n gwneud cais hwyr a dinasyddion sydd â statws preswylydd.

 

</AI9>

<TRAILER_SECTION>

</TRAILER_SECTION>

<LAYOUT_SECTION>

1.          FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2.          FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

 

<SUBNUMBER_LAYOUT_SECTION>

2.1          FIELD_TITLE

FIELD_SUMMARY

</SUBNUMBER_LAYOUT_SECTION>

 

<TITLE_ONLY_SUBNUMBER_LAYOUT_SECTION>

2.2          FIELD_TITLE

</TITLE_ONLY_SUBNUMBER_LAYOUT_SECTION>